Gjenbruksstasjonar

Gjenbruksstasjonane er det ØyVAR som eig og driv, og stasjonane er open for levering av avfall frå hushalda i Øygarden kommune.

• Slakteavfall kan ikkje leverast på gjenbruksstasjonane.
• Næringsdrivande kan nytte gjenbruksstasjonen på Midtstegen etter eigne satsar.
• Har du eksplosivar eller ammunisjon du skal kvitte deg med, må du ta kontakt med politiet. ØyVAR har ikkje lov til å ta i mot den type avfall.

Dette leverer du, som privatperson, gratis på gjenbruksstasjonen:

• Hageavfall
• Papp
• Papir
• Hushaldsplast (emballasjeplast og folie)
• Kvitevarer
• Elektronisk avfall
• Inntil 1000 kg farleg avfall i året (bilbatteri, asbest, maling, olje, lim, lyspærer osv)
• Inntil 500 kg PCB-vindauge

Miljøpunktet på Tjeldstø tek imot:

Papp, papir, hushaldsplast, glasemballasje, metallemballasje, kvitevarer, elektronisk avfall (småelektronikk som plasserast i EL-bur) og mindre fraksjonar av farleg avfall (bilbatteri, maling, olje, lim, lyspærer osv)

Miljøpunktet på Tjeldstø tek ikkje imot;

Restavfall, isopor, treverk, metall, vindauge, asbest, klorparafiner, ftalatar, (golvbelegg etc) større elektroniske gjenstandar som t.d. tredemøller, eksplosivar, ammunisjon og liknande.

I tillegg er det lager av plastrullar og bioposar på Tjeldstø som er tilgjengeleg for abonnentane i opningstida. Miljøpunktet er stengt utanom opningstida og det er da ikkje høve til å sette frå seg avfall her.