Ikkje kast matfeitt i do!

Julemat som pinnekjøt og ribbe gjev mykje god smak og glede i jula. Men ingen vil vel at den gode julestemninga skal bli snudd av tette røyr, høgare gebyr og rottebesøk? Difor er det viktig å handtere matfeitt og matolje på rett måte – og aldri skylje det ned i vasken eller i do. Når feittet stivnar i røyrsystemet, dannar det korkar som kan føre til tette røyr og i verste fall kloakkproblem heime hos deg eller naboen. Dette krev reparasjonar og kan føre til høgare gebyr. Og ikkje minst ubodne gjester – rottene elskar feittrestar i kloakken!

Slik tek du hand om feittet frå julematen:

• Når steikefettet har kjølt seg ned og stivna, kan du enkelt tørke det ut med tørkepapir og kaste det i matavfallet.
• Hell feitt som ikkje stivnar i ein tett emballasje, til dømes ein tom melkekartong, og kast det i restavfallet.

Hugs å ha feittvett: Berre tiss, bæsj og dopapir høyrer heime i do. Feitt, våtserviettar og anna avfall skal i bosset.