Har du fyrverkeri igjen? Dette må du vite om levering

Har du fyrverkeri som ikkje blei brukt eller som ikkje detonerte? Dette er farleg avfall som krev riktig handtering:

• Lever det tilbake til butikken der du kjøpte det, eller til eit anna utsal som sel fyrverkeri. Dei har plikt til å ta imot ubrukt fyrverkeri.
• Fyrverkeri skal aldri oppbevarast heime over tid, og det skal ikkje leverast på gjenbruksstasjonen, på grunn av brann- og eksplosjonsfare.

Dersom du finn udetonert fyrverkeri seinare på året, må det leverast til politiet. Dei kan sikre trygg handtering.

Brukt fyrverkeri kan kastast i restavfall

Brukt fyrverkeri, som tomme hylser og pinnar, kan kastast i restavfallet. Følg desse stega for å unngå farlege situasjonar:

• Sørg for at fyrverkeriet er heilt sløkt før du legg det i bosspannet.
• Dynk gjerne hylsene i vatn for å vere sikker på at det ikkje er glør igjen.

Er brannfarleg

Feil handtering av fyrverkeri kan føre til alvorlege ulukker, brannar og skade på miljøet. Ved å levere fyrverkeriet til rett stad bidreg du til tryggleik for deg sjølv og alle rundt deg.

Hugs også å sjekke nærområdet ditt for eventuelle restar etter nyttårsfeiringa, slik at du unngår at udetonerte rakettar eller brukte fyrverkerirestar ligg att i nærmiljøet og i naturen.

Takk for at du bidreg til eit trygt og reint Øygarden.